Havila Mjølstadneset er eigedomsselskapet for lokala til MMC First Process i Fosnavåg næringspark. Her er kontor, lager og produksjonsareal for fiskehandteringssystem til sjømatindustrien. Den eldste delen av lokala er frå 1998 og har i åra etterpå vorte utvida fleire gonger. Seinast i 2022 vart kantinearealet totalrenovert. I tillegg vart om lag 30 nye kontorplassar ferdigstilt og overlevert til MCC.
